As Christelike familie aanbid ons God; koester en bemoedig ons mekaar en reik ons uit in ons omgewing
Jaco Strauss
083 799 9946
Jaco Strauss is vanaf 2008 leraar in die gemeente. Hy is getroud met Adele wat smiddae wiskunde ekstra klasse en nog ‘n paar ander kursusse aanbied. Hulle het 3 kinders, Luann, Jannay en Aliante.
Dit is vir Jaco belangrik dat hulle as gesin dinge saam doen. Hulle hou van saam vleisbraai en die kinders se sport en kultuur gee hom geleentheid om ʼn rekreasie-fotograaf te wees.
Jaco is as leraar verantwoordelik vir die gebedsbediening; dissipelskap-reis; ontdek-kursus; verhoudingsbediening; dienswerkerbediening en medeverantwoordelik vir die pastorale bediening en prediking.
Anru Liebenberg
083 469 6783
Anru Liebenberg is vanaf 2015 leraar in die gemeente. Hy is getroud met Danél; ‘n maatskaplike werker. Hul het ook ‘n seuntjie, Ruach.
Anru se gesin is sy rykdom en spandeer graag tyd saam met hulle. Hy hou daarvan om sy kop skoon te kry deur te draf. Musiek en aanbidding is ook vir hom ‘n groot belangstelling. Dit verskaf vir hom baie energie wanneer jongmense hul roeping ontdek en uitleef.
Anru is as leraar verantwoordelik vir die tienerbediening, jong volwassenes en barmhartigheidsbediening. Hy is mede-verantwoordelik vir pastorale bediening en eredienste.
JZ de Jager
0724758152
JZ de Jager is vanaf 2020 leraar in die gemeente. Hy is getroud met Karla, ‘n fisioterapeut. Hulle het twee kinders, Marissa en Eben. Om tyd as gesin te spandeer is vir hulle belangrik. Dan probeer hulle dinge doen wat elkeen geniet en so groei hulle as gesin ook nader aan mekaar.
Goeie en gesonde verhoudings is vir hom baie belangrik. As hy een wens kon kry dan sou dit wees dat elkeen binne elke verhouding waarbinne hulle staan gelukkig sal wees. Hy weet egter dit is nie altyd moontlik nie daarom is dit vir hom ook lekker om met mense ’n pad te stap om op so manier mekaar te help om verhoudings te koester.
JZ is as leraar verantwoordelik vir onder andere die kinderbediening, getuienis bediening, die senior lidmate, omgeegroepe en sommige van die Bybelstudies. Hy is medeverantwoordelik vir die , pastorale bediening, eredienste en prediking.